నెట్లోనే కాదు ఇంట్లో కూడా తెలుగు వాడాలి

నమస్తే,
మనలో చాల మంది అంతర్జాలంలో తెలుగు వాడుక గురించి చాల కృషి చేస్తున్నారు. వారికి అందరికి నా ధన్యవాదాలు.
ఐతే మనం ఇప్పుడిప్పుడు మనకు తెలియకుండానే ఆంగ్లం ఎక్కువగా వాడుతున్నాం. ఉద్యోగంలో ఐతే ఎలాగా తప్పదు కాని ప్రతిదానికి మనం ఆంగ్లం వాడి తెలుగుని అవమానిస్తున్నాం.
ఈ మధ్య నా స్నేహితుడితో అద్దె ఇళ్ళు వెతకటానికి వెళ్ళా. చాలా ఇళ్ళు చూసాం. నా స్నేహితుడు ఆ ఇళ్ల మ్యాపులని ఒక కాగితం పై వ్రాసుకున్నాడు. తూర్పు పడమర అని దిక్కులు వ్రాసే దగ్గర ఆంగ్లంలో ఈస్ట్ వెస్ట్ అని వ్రాసుకున్నాడు. ఇలా మనం మనకు తెలియకుండానే ఆంగ్లానికి బానిసలైపోయం. మనం తెలుగుని ఎక్కడెక్కడ వాడొచ్చో ఈ క్రింద వివరిస్తున్నాను. దయచేసి తెలుగుని అవకాశం వున్నా ప్రతిచోటా వాడండి. ఇంక ఇలా మీకేమైనా తెలుస్తే ఇక్కడ జత చేయండి.
౧. కిరానా సరుకుల పట్టి
౨. బట్టల పొద్దు
౩. మీ తెలుగు స్నేహితులకి తెలుగు మెయిల్స్
౪. దిన కర్చుల లెక్క
౫. ఫోన్ సంఖ్యల పేర్లు
౬. ప్రభుత్వానికి వ్రాసే లేఖలు
౭. అగ్రిమెంట్లు
౮. మీ చిరునామా ఎవరికైనా ఇచ్చేటప్పుడు
౯. రైల్వే రిజర్వేషన్ ఫారం
౧౦. కొట్లో బిల్లు తెలుగులో ఇమ్మని అడగండి.

ఇలా ఆలోచిస్తే చలవిషయాలలో మనం తెలుగుని వాడటం లేదు. దయచేసి ఇలాంటి చిన్ని చిన్ని కార్యాలలో తెలుగునే వాడండి. తప్పదనిపిస్తేనే ఆంగ్లం వాడండి.